drama daerah palembang (malin kondangan)

Malin Kurapan

Malin                     :              

Kona                      :             

bak                         :               

Jubai                      :               

Leha                      :               

Bu’ Tukiyem       :              

                Di sebuah desa kecil yang letaknya di kabupaten Musi Banyuasin, hiduplah seorang anak laki-laki dan ibunya. Ayahnya telah tiada ketika ia kecil. Suatu hari sang anak meminta izin dengan ibunda tercintanya untuk pergi ke kota dan mencari pekerjaan.

Malin                     :               emakkkkkk …. Oi emak, dimano emak nih ? (kebingungan)

Emak                     :               buto nian kau ni, awak mato la empat, badan emak sebesak ini dak tejingok. Ketauan nian kacomato murahan. (sambil menunjuk kacamata).

Malin                     :               oii emak nih pacaknyo ngato aku tu la. Cak aku ni salah tula (duduk dan bersedih)

Emak                   :                 hehehe maen-maen bae anakku. Ngapo nak nyari emak ? Ado perlu apo ? Mintak duet ? Katek. Musim kemarau ini nih, getah lagi kering. Utang calok di bik Surti be belom tebayar dari 2008

                                                kemaren

Malin                     :               ya Allah utang sekecik itu be belom tebayar

Emak                     :               iss meluat, kantong kau be mustahil ado duet seribu rupiah

Malin                     :               aydah emak ni ngatoi aku teros, aku ni nak minta izin mak

Emak                     :               izin apo nak ? Izin kawen dengen kona ? katek duet, jingok naa kantong emak ni tipis nian.

Malin                     :               hehehe emak-emak, aku tu nak begawe di Palembang. Men urusan kawin tu kagek dulu.

                                                Mudah diatur itu tu.

Emak                     :               begawe apo ? Takok.an, SD be dak naek 5 tahun.

Malin                     :               oy mak dak usah bukak kartu. Kalu bae aku pacak sukses disano

Emak                     :               yo sudah aku izini. Tapi mintak izin dulu kau tu dengen Kona gek dio becarian

Malin                     ;               yoo mak. Aku pegi dulu yeh (mencium tangan emaknya)

Emak                     :               yo nak

Setelah itu, Malin pun bergegas ke rumah kekasihnya, Sarkona.

Malin                     :               Assalammualaikum

Kona                      :               Waalaikumsalam. Eh kakanda, ngapo kak ? Duduk dulu sini sampeng adek. Nak minum apo kak ?

Malin                     :               dak usahlah dek, kakak nak ngomong dengen adek

Kona                      :               ngomong apo kakak ?

Malin                     :               Cak ini naa dek

Kona                      :               cakmano kakak ? Leteh nian kakak nih

Malin                     :               kakak nak ke Palembang dek, nak nyari gawe biar kito pacak kawen. Kakak

                                                tu pengen nian cepet-cepet kawen dengen adek. Pengen bulan madu  samo adek. Pengen cepet

                                                -cepet bikin anak limo samo adek

Kona                      :               kakak nih kekanjian nian

Malin                     :               hehehe. Cakmano yang tadi dek ? boleh dak ?

Kona                      :               oy kak emang harus ke Palembang nian ye ? (hampir menangis)

Malin                     ;               dek, nak gawe apo dek disini, getah lagi kering. Men di Palembang kan pacak

                                                gawe apo be. Teka ngemis lagi pacak. Men ngemis di doson ni, beh betahun-

                                                tahun dakkela dikaseh. Tau lah dewek kan dek wong doson sini pelet ketet. Keluar duet

                                                1000 be pacak setahun mikirnyo.

Kona                      ;               tapi kak gek kakak dapet betino laen. Gek aku ditinggali. Kan tau lah dewek betino di

                                                kota tu rengke galo.

Malin                     :               oyy dek idak nianlah. Kakak janji. Men kakak bohong, kakak ngurus naa.

Kona                      :               ay kak nak sampe dunio ni kiamat pun dakkela jadi kurus kakak tu

Malin                     :               ay adek ni doanyo jelek nian. Tapi kan maseh cinto tu la adek tu dengen kakak

Kona                      :               iyola pulok men dak cinto la lamo kk tu adek potosi

Malin                     :               hehehe dek, boleh yee ? tenang be adek tu, kakak ni nak adek tu lah. Beribu gadis yang

                                                cantik hanya adek yang ado di hati kakak nii

Kona                      :               yo sudahlah. Kapan peginyo ?

Malin                     :               besok dek, dak papo kan ?

Kona                      :               yola gek adek besok ke rumah. Tapi ado duet dak kakak ni nak ke kota ? kan tau lah dewek men

                                                Kakak tu buntu berkepanjangan. Malem minggu be lagi dak pacak bejalan lantak kakak ni buntu

Malin                     :               adek ni ngato tu la. Tenang be dek men kakak la jadi toke, jangankan malem mingguan, malem

                                                Seninan, malem selasoan kakak lanjakke galo untuk kito beduo

Kona                      :               jangan pacak ngomong bae kak, cak kemaren ngomong bawak 5 ribu taunyo 5 ratus rupiah.

                                                Ujung-ujungnyo aku tu la yang bayar bakso tu

Malin                     :               dek, men kakak jadi toke di kota, kakak ganti galo duet adek tu. Yo sudah dek, kk balek dulu yoo.

                                                Salam be buat wong rumah

Kona                      :               iyo kakak. TT DJ

Malin                     :               apo itu dek ?

Kona                      :               hati hati di jalan. Lolo nian mak itu be dak tau

Malin                     :               hehehe maafkela dek, yo sudah duluan dek

Kona                      ;               yooo

Malin pun pulang ke rumah. Keesokan harinya…

Malin                     :               Mak, kona, aku pegi dulu eh, doake kite jadi toke di Plembang

Kona                      :               iyo kakak amin. Kalo la beduet kito kawen di gedung yeh cak di tivi-tivi tu na kak

Malin                     :               tenang dek gek kito pakek orgen dan bulan madunyo gek di Bali cak artist u na dek

Kona                      :               amin ya Allah

Emak                     ;               men la jadi toke boleh balek, men belom jadi toke dak usah balek           

Malin                     :               is emak ni tega nian . yo sudah aku pegi eh. Assalammualaikum

Emak dan Kona :               waalaikumsalam

Malin pergi ke kota. Sesampainya di kota…

Malin                     :               ikak yek Plembang ? Rengke nian oi. Di doson ku idak mak ikak. Caknyo betine

                                                nye rengke galek.

Jubai                      :               oy dem Palembang ni panas nian, gek laju badan aku item mutung. Cacam mano pulok

                                                betino itu ? ketemu dak dio samo toilet ni

Malin                     :               ya arra ade betine lagi tegak-tegak disano. Ay lumayan pulok, tapi makmano

                                                Kona yeh ? ay dak papola, dak tau pulok dio. Deketi aaaaiiiii

Jubai                      ;               ngapo kau ni deket-deket ? Kanji nian cak kebelagak.an pulok awak jahat

Malin                     :               oi mbak jangan galak-galak oi dengan aku ni. Aku cuma nak kenalan. Namo mbak

                                                ni sapo ?

Jubai                      :               Jubai

Malin                     :               namo lengkap ?

Jubai                      ;               Siti Zubaidah

Malin                     ;               ay belagak e namo tu. Daripada Sarkona

Jubai                      ;               apo uji kau ?

Malin                     :               katek mbak, hehe

Leha                      :               oiii Jubai maaf eh nunggu lamo. Maklum oo sakit perut aku tadi tu la stadium 4

                                                jadi pas masuk WC tekeluar galo

Jubai                      :               is dem jorok nian kau ni, peh balek. Panas disini ni

Leha                      :               payok. Eh gek dulu sapo dio ni ? (menoleh ke arah Malin)

Malin                     :               namo aku Malin, aku ni wong skywood, dateng ke Plembang nak jadi

                                                toke

Leha                      :               hahaha. Sekayu be ngapo mang begaya pulok nak skywood. Namo aku Zuleha

Jubai                      :               dak nanyo

Malin                     ;               aku nanyo

Jubai                      :               yo sudah oo

Leha                      :               hmm, kau pengen jadi toke kan ? Aku tau caronyo

Malin                     :               ay nian apo ?

Leha                      :               nian oi

Malin                     :               makmano caronyo ?

Leha                      :               ikut kami beduo ke rumah daripada kau nge.kost, laju dak makan pulok agek

Jubai                      ;               apodio kau nih ? lanang dak dikenal kau ajak melok. Lemak pulok kayo. Dari rai be kejingok.an

                                                men hobi ngutang.

Leha                      :               oi bai, jangan mandang cowok tu dari duet tapi dari hati

Jubai                      :               banyak tingkah pulok kau.

Leha                      :               ay dem dak papolah, rai dio tu agak mirip samo Udin, jadi pacakla dio ngegantike Udin jadi

                                                Pembantu

Jubai                      :               yo pulok yee terkadang kau ni idak lolo lolo nian

Leha                      :               yola, Juleha. Peh malin kito ke rumah

Malin                     :               peh

Setelah itu, Malin, Wati, dan Yanti pulang ke rumah. Mereka membawa Malin ke rumah  dengan tujuan menjadikan dia pembantu. Sesampainya di rumah ….

Bu’ Tukiyem       :               oi betino duo ini darimano be ? Beli calok be men cak beli apo bae, lamo nian

Jubai                      :               Leha tu na pakek acara beol pulok. Untung warung sayornyo parak terminal jadi

                                                pacak numpang beol.

Leha                      :               siru kau. Aku yang beol ngapo kau yang siru

Bu’ Tukiyem       :               dem kamu beduo ni belago tu la. (menoleh ke arah Malin) oii Leha kau kabulke

                                                pulok keinginan emak kau ni. Akhirnyo nak setelah puluhan tahun kau dak laku

                                                akhirnyo ado pulok lanang yang galak dengen kau meskipun tampangnyo

                                                pas.pasan.

Leha                      :               oii mak dio nii…

Jubai                      :               iyo mak ini ni calon laki zuleha na. Bolehla leha ni laku pulok akhirnyo haha

Leha                      :               ay kau ni nak keno tangani nian.

Jubai                      :               (berbisik) woii oon, bengak nian kau ni iyoke be apo omongan aku ni daripada

                                                kau dikatoi perawan tuo. Lagian men Malin ni jadi laki kau pacak kau

                                                dapet warisan besak daripada warisannyo dikasih ke mang Kodir gara-gara kau

                                                belum kawin. Mano emak tuh caknyo bahagia nian pas ngiro kalu dio tu calon kau.

Leha                      ;               oii aku ni nak nyari yang the best of the best. Bukan cak lanang itu.

Jubai                      :               salah dewek ngajak dio kesini. Dio tu jugo the best oi. The best badannyo

Bu’ Tukiyem       ;               ngebahas apola kamu ni. Oh yo ngomong-ngomong siapo namo kau nak ?

Malin                     :               Malin buk.

Bu’ Tukiyem       :               asal ?

Malin                     :               doson buk.

Bu’ Tukiyem       :               doson mano ?

Malin                     :               skywood hehehehe

Bu’ Tukiyem       :               hmmm yo  sudah caknyo kau capek, besok kito ngomong lagi ye mantu. Nah Leha

                                                anteri calon laki kau ke kamar dio.

Leha                      :               ay ngapo nak aku nian mak ? jubai ado

Jubai                      ;               lemak bae, dio laki kau nak nyoroh aku

Leha                      :               is dem kau ni

Leha pun mengantarkan Malin ke kamar tamu. Sesampainya di kamar, Malin yang kebingungan menanyakan maksud perkataan Bu’ Tukiyem dan Leha.

Malin                     :               oi dek apo maksud omongan emak dengen Jubai tuh ? Dak terti aku

Leha                      :               oi kak, kakak tu disangkonyo calon laki aku.

Malin                     :               naa cakmano ini dek, kito be baru kenal eh disuruh kawen

Leha                      :               itu dio kak, tapi kak, kk galak dak kawen dengen aku ? aku tu sebenernyo dak

                                                galak dengen kk tapi terlanjur emak aku tau. Men kito kawen, kakak dapet 10
                                                persen na dari harto aku. Gek cak sebulan dem kawen, cerai kito.

Malin                     :               (berbicara pelan) ay aku la ado Kona tapi men aku kawen dengen dio pacakla aku

                                                jadi toke. Pacakla aku ngoyok.i baknyo Kona untuk kawen dengen anaknyo.

                                                Lagian kan gek cerai pulok. Ay dak papolah. Yo sudah dek kk galak kawen dengen

                                                kau tapi janji yoo abes itu kito cerai.

Leha                      ;               iyolah. Sapo pulok yang kepengen kawen dengen kau. Dem eh aku nak ke kamar

(ketika Juleha akan pergi meninggalkan Malin, Jubai datang dengan membawa sejumlah uang)

Jubai                      :               woi gentong na eh DP kau, cak ini dulu be baru agek aku kasih lagi duet men acting kau sukses

Leha                      :               oi bai kau kasih berapo ?

Jubai                      :               sejuta dulu lah

Malin                     :               mokaseh yeh Jubai samo Leha, tenang be sukses pasti

Jubai                      :               men dak sukses ku sumpahi kurapan gek kau

Malin                     :               jangan oii gek aku dak blagak lagi

Jubai                      :               belagak nian oiiii. Berok lagi tegak hahaha. Dem peh leha tedok kito (menarik tangan Leha)

Leha                      ;               payok

Setelah itu Malin tertidur. Keesokan harinya….

Bu’ Tukiyem       :               malin oi malin, kemano calon mantu aku ni ?

Malin                     :               yoo buk ngapoo ?

Bu’ Tukiyem       ;               oi jangan panggel aku ibuk. Terkesan la tuo, dak jingok apo rai aku cak Dian Sastro ?

Jubai                      :               ay mak beli kaco dulu, jingok na mirip apo idak

Bu’Tukiyem        :               kau nih men dak mirip dakkela jado cover girl. Nah sini kau Malin, aku nak ngomongi tentang rencano pernikahan kau dengen Leha. Kiro-kiro kapan kamu nak kawen ?

Jubai                      :               secepatnyo bae mak biar aku dak pening lagi nyingok rai Leha teros ni

Leha                      :               siru kau. Men dak atek aku, dak pacak lagi kau nak ngutang beli pulsa

Jubai                      :               hahaha tauk ah penteng kawenlah cepet-cepet

Malin                     :               nah boleh jugo usul Jubai tuh. Makmano men minggu depan ?

Bu’ Tukiyem       :               yo sudah minggu depan kamu kawen

Leha                      :               gancang nian mak. Aku maseh nak nikmati waktu tanpa suami dulu

Bu’ Tukiyem       :               ay katek ah pokoknyo minggu depan kawen. Aku nak nyebarke berita ini ke

                                                Infotainment dulu. Tau lah dewek men emak kau ni mantan cover girl majalah

                                                bekasan.

Jubai                      :               ay mak waya-waya cover girl majalah bekasan, lemak pulok majalah mahal

Bu’ Tukiyem       :               jadila na, aku terkenal. Daripada kau, belomlah melok casting la diusir wong

Jubai                      :               mare mak

Bu’ Tukiyem menyebarkan berita pernikahan anaknya ke beberapa media dan pada akhirnya berita pernikahan Malin menjadi topik heboh di desanya. Kona yang mengetahui ini bergegas ke rumah untuk memberi tahu kepada ibunda Malin

Kona                      :               emak…. Hiks… (sedih) kak Malin tega nian dengen aku

Emak                     :               oi ngapo nak ? dateng-dateng nangis-nangis ni ?

Kona                      :               madak.i dio kawen dengen juleha anaknyo Tukiyem yang artis majalah bekasan

                                                itu. Sakit hati aku ngomong ke Plembang nak nyari duet taunyo nyari bini baru. Apo mak

                                                kurangnyo aku ? Jupe be lewat

Emak                     :               hah? Dakkado? Ay kurang ajar Malin ni, aku yang ngelahiri dio selamo 9 bulan

                                                dan ngerawat dio, idak dikasih taunyo ? Nak ku gari dio ke Palembang agek.

Kona                      :               mak, melok. Nak aku kempesi badan kak Malin tuh, tega nian ninggali aku

Emak                     :               payok besok kito berangkat. Aku tau alamat Tukiyem tu

Kona                      :               iyo mak

Keesokan harinya emak dan Kona pergi ke Palembang untuk mencari Malin. Sesampainya di Palembang, mereka bergegas mendatangi rumah Bu’ Tukiyem.

Emak                     :               assalammulaikum. Malin keluar kau Malin, anak kurang ajar. Tega nian ngelupoke emak kau

                                                dewek. Malu apo kau punyo emak cak aku ni.

Bu’ Tukiyem       ;               woi sapo kau ni rebot-rebot di rumah aku. Dak sopan nian

Emak                     :               mano Malin ?

Bu’ Tukiyem       :               ngapo nyari calon mantu aku ? ado urusan apo ?

Emak                     ;               aku emaknyo

Leha                      :               ngapo ini nih ? ado apo ? cak rebot nian. Kamu beduo nih siapo ?

Kona                      :               aku Kona, calon bini kak Malin. Ini emaknyo

Jubai                      :               ay calon bini Malin tu Juleha. Ngaku-ngaku pulok kau nih awak wong doson

Malin                     :               ado apo ini cak siru nian ? Aku lagi lemak-lemak tedok

Jubai                      :               payok malin iler kau tu

Malin                     :               ohh maaf

Kona                      :               kak ini Leha kak, madak.i kk lupo. Awak kakak janji nak nikahi aku tapi buktinyo apo ?

                                                Kakak mendua

Emak                     :               oi malin lupo kau dengen emak ? emang salah emak apo sampe-sampe kau nikah be dak ngasih

                                                tau ? Mentanglah aku ni miskin

Jubai                      ;               malin, io apo dio ni emak kau ? ngapo dak mirip ? Emak kau blagak eh kau ancor cak ini .

Malin                     :               emmm … dio …….

Leha                      :               ngaku be kak, iyo nian apo ?

Malin                     :               (berkata dalam hati) men aku ngaku lokak dak pacak dapet duet tapi men dak ngaku gek emak

                                                samo Kona marah. Tapi yo sudah la terlanjur, pilih duet be lah. Bukan dek .

emak                     :               ay dak ngakui aku eh ? lupo nak apo kau tu men kalo bukan karno emak dengen bapak kau,                                                        dakkela jadi nak kau tu. Salah aku apo sampe aku ni dak diakui (hampir menangis)

Malin                     :               tapi kau bukan emak aku. Aku idak katek emak cak kau. Selo mano kito ni mirip

Emak                     :               yo sudah kalo cak itu. Kalo kau emang bukan anak aku dak papo. Tapiiii kalo ternyato kau tuh

                                                aku, ku sumpahi badan kau kurap galoo.

Tiba-tiba Malin merasakan gatal-gatal di sekujur tubuhnya.

Malin                     :               nah ngapo gatel galo badan aku ni

Jubai                      :               nah kau lin KUALAT ! lantakla, la jahat kurapan pulok

Bu’ Tukiyem       :               is katek ambek.an nian

Leha                      :               ya ampun jingok naa badannyo kurapan galo. Is jijik nyingoknyooo

Emak                     :               galak igo lin, jadi wong tu inget dengen emak akhirnyo cak ini kan. Nasi dem jadi bubur

Malin                     :               emak, kona, maafi aku ! aku dak galak kurapan mak, katek yang galak kawen samo aku

Kona                      :               kasian deh looo ! nyari laki baru peh mak, mumpung lagi di Plembang

Jubai                      :               oi melok, aku jugo nak cepet kawen

Kona                      :               payookkkk…

Malin                     :               aku cakmano oii ?

Jubai                      :               DLMLEGP . derita loe masalah loe emang gue pikirin !

Emak                     ;               oi ke enam belas dulu. Emak nak nyari baju

Bu’ Tukiyem       :               payok, aku tau tempat baju murah.

Kona                      :               peh pegiiiiiiiiiii

Leha                      :               ikuuuuuuuuuuuuttt

Jubai                      :               ayoookkk

( Kelima wanita itu meninggalkan Malin sendirian)

Malin                     :               tega nian oi kamu samo aku. Sial nian naseb aku. Betino mano yang galak samo aku L

Akhirnya Malin meninggalkan rumah Bu’ Tukiyem dan berkelana entah kemana. Jubai, Leha, Kona, Emak, dan Bu’ Tukiyem sekarang menjadi satu keluarga dan mereka sering pergi berbelanja ke pasar 16 bersama-sama.

The End

J